PNP mokiha na sa mga suspek sa Reluya ambush

Unom ka mga personalidad ang pasakaan ug kasong multiple homicide ug multiple frustrated homicide may labot sa pag-ambush sa sakyanan ni San Fernando Mayor Lakambini Reluya .

Ang hepe sa Cebu Provincial Police Office nga si Senior Superintendent Manul Abrugena nibutyag nga gihuwat na lang nila karon ang kopya sa resulta sa ballistic examination ug cross matching nga gihimo sa PNP Crime Laboratory .

Una niini si Police Regional Office-7 Director , Chief Supt. Debold Sinas nibutyag nga nitakdo ang mga bala nga nakuha atol sa pag-ambush sa mga Reluya sa armas ni Jerome Labitad .


Si Labitad ug Felix Abacajan Jr. giila nga prime suspect sa pag-ambush sa sakyanan sa mayor nga gikamatay sa bana niini nga si ABC President Ricardo Nonoy Reluya ug laing duha nila ka mga kauban sa sakyanan .

Matud ni Abrugena gisiguro sa kapolisan nga lig-on ang ilang mapasaka nga kaso batok sa mga suspek .

Facebook Comments