Motabang na ang kapolisan sa rehiyon siyete sa pagpangita ug testigo ug ebidensiya batok sa Sugbuanong negosyante nga si Peter Lim human kini ilambigit sa operasyon sa ilegal nga drugas .
Gipahayag kini ni Police Regional Office -7 director Chief Supt . Jose Mario Espino human ang Department of Justice nimando sa Criminal Investigation and Detection Group-7 sa pagdala ug lig-ong saksi ug ebidensiya batok ni Lim alang sa preliminary investigation sa DOJ .
Ang CIDG-7 wa pa makaduso ug mga dokumento nga gikinahanglan sa DOJ aron isuporta sa kaso nga may kalabutan sa ilegal nga drugas batok ni Lim.
Gidasig usab ni Espino ang komunidad nga motabang sa kapolisan kung aduna silay gihuptan nga lig-ong impormasyon batok sa maong negosyante.
Facebook Comments
