PNP motabang sa pag pangapod-apod sa cash gikan sa SAP

Gipangandaman na karon sa PNP ang pag tabang ngadto sa DSWD alang sa pag pang hatag sa ikaduhang hugna sa cash assistance sa SAP.

Butyag pa sa tigpamababa sa PNP nga si BGen. Bernard Banac, nagpadala na sila ug grupo alang sa 2 ka adlaw nga orientation sa SAP distribution.

Ang mga personahe sa PNP mao ang mo tabang sa DSWD sa paghatag sa salapi ngadto sa mga kwalipikadong benepisyaryo.


Una nang gipamahayag ni Pangulong Duterte nga motabang ang mga sundalo ug mga pulis sa DSWD ilabi na daghang mga opisyal sa lokal ang nalambigit sa kurapsyon.

Padayon usab ang imbisitgasyon sa Criminal Investigation and Detection Group (CIDG), ngadto sa mga opisyal nga nalambigit sa kurapsyon aron panubagon sa gihimong anomalya.

Moabot sa 235 ang napasakaan ug kaso gikan sa 600 ka mga probable suspects. 126 niini anaa na napasaka sa korte samtang ang 66 niini pabilin pang giimbestigahan.

Sa ikaduhang hugna sa SAP gilangkuban kini sa mga lugar nga mao ang Metro Manila, Central Luzon, except the province of Aurora, CALABARZON (Cavite, Laguna, Batangas, Rizal, Quezon), Benguet, Pangasinan, Iloilo Province, Cebu Province, Bacolod City, Davao City, Albay, and Zamboanga City.

Facebook Comments