Naalarma na ang kapolisan sa nadiskubri nga adunay 3-anyos nga batang lalaki nga giunay sa iyang kaugalingong inahan sa operasyon sa cyberpornography sa dakbayan sa Lapulapu .
Usa ka 24 anyos nga inahan nga nagpuyo sa Barangay Looc sa maong syudad ang nadakpan ug narescue ang iyang tres anyos nga anak , nga gigamit niya sa cybersex operation .
Matud ni Sr. Supt. Romeo Perigo ang hepe sa Women and Children Protection Center-7 niadto pang buwan sa Enero ilang namonitor ang ilegal nga kalihukan sa suspek ug giaplayan dayon nila kini ug search warrant .
Kaabag ang International Justice Mission (IJM) ila dayong gilusad ang ilang operasyon.
Nasakmit gikan sa suspek ang cellphone nga adunay mga video ug hulagway sa mga gagmay`ng bata nga naghubo ug nagpakita sa ilang “private parts.”
Gikonsiderar sa kapolisan nga “alarming” kini tungod kay nigamit na ug mga bata ang mga nalambigit sa maong ilegal nga kalihukan.
