Sa interview sa DXDC RMN Davao kang Police Lieutenant Colonel Jason Baria, Acting Chief of Police sa Pantukan Municipal Police Station, iyang gisulti nga niini lamang miaging nga mga adlaw, pipila ka insidente sa dalan ang natala sa Pantukan – adunay self-accident, na-side sweep, ug uban pa.
Niadtong Lunes, October 16, 2023 usa ka HiAce van nga gikan Mati City, Davao Oriental padulong og Davao City ang kalit nawad-an og kontrol sa Barangay Tagdangua, Pantukan, rason nga mibangga kini tricycle ug midiretso sa punoan sa kahoy. Hinuon, nakahiagom lamang ang mga pasahero og minor injuries ug nagbaton ra usab og settlement ang duha ka kampo.
Pahimangno ni Baria sa mga motorista nga siguradohong kondisyon ang sakyanan ilabi na ang kaugalingon ug tumanon ang traffic rules and regulations aron malikayan ang unsa mang aksidente.
“(Sundin) yung courtesy sa road at the same time ano ba ang dapat discipline sa road kasi may mga naka-drive na single motorcycles, lalo na’t hindi nila alam kung saan yung fast lane at saka slow lane, so mag-give way po tayo kung saan yung mga vehicle sa fast lane,” pahimango sa police official.
RadyoMaN Kirby Manzon
