PNP nagpatapod nga magigin ‘peaceful’ an fiesta ha Tacloban ngan Ormoc

TACLOBAN CITY – Nagpatapod an Philippine National Police (PNP) nga magigin “safe and orderly” an kapyestahan ha Tacloban ngan Ormoc yana nga bulan.

Sumala kan Col. Lope Macauba, Jr., Deputy Director for Administration han Tacloban City Police Office, ngan hi Col. Joel Camacho, Deputy Director for Operations han Ormoc City Police Office, nakahay-ad na an security preparations para masiguro nga mahimyang an fiesta celebration.

Igseselebrar han Ormoc an kapyestahan yana nga June 29 ha ira patron saints nga hi Peter and Paul. Pagkabuwas naman, fiesta ha Tacloban City para ha patron saints nga hi Senior Santo Niño.


Libo-libo nga tawo an ginlalauman nga maatender ha pareho nga fiesta ngan may mga aktibidadis para magin malipayon an selebrasyon.

Maupay kitaon an Sangyaw Parade of Lights han Tacloban ngan Piña Festival naman han Ormoc.

Sumala kan Macauba, may mga kapulisan nga magbabantay ha mga lugar kun diin damo an tawo patikular na ha balyuan kun diin kada gab-i in mayada aktibidadis.

May nakadeploy gihapon nga mga kasundaluhan ngan traffic personnel para masiguro an seguridad han mga tawo.

Mayada gihapon sugad nga preparasyon an Ormoc City para han ira fiesta.

Facebook Comments