Pabilin karong naka alerto ug vigilante ang mga operatiba sa Philippine National Police (PNP) dinhi sa pulo sa Mindanao aron magpabilin ang kahapsay ug kalinaw dili lamang diri sa Mindanao kundili sa tibuok nasud.
Kini human gideklara ni Pangulong Rodrigo Duterte, nga dili na patas-an ang martial law dinhi sa tibuok Mindanao region nga mahuman na karong Desyembre 31 ning tuiga
Kahinumduman gipailawom ni Duterte ang Mindanao sa Martial Law niadtong Mayo 23, 2017 human gipuy-an sa ISIS-inspired Maute Group ang dakbayan sa Marawi sa Lanao del sur.
Tulo ka beses na nga gina extend ni pangulong duterte ang martial law aron mas hugot ang seguridad batok sa mga terorista ug mga criminal.
una ng giingon ni Defense Sec. Delfin Lorenzana nga wala sila’y makitang hinungdan aron ipadayon ang martial dinhi sa Mindanao.
