Inatasan na ni Philippine National Police (PNP) Gen. Guillermo Eleazar ang mga regional at provincial police office na makipag-ugnayan sa mga local chief executives kaugnay sa mga kinakailangang dokumento ng mga biyahero.
Kasunod ito ng tila “laban – bawi” na travel protocols sa bansa ng mga fully vaccinated individuals.
Ayon kay Eleazar, mananatili ang kapulisan sa pagpapatupad ng kasalukuyang protocols para sa mga biyahero habang hinihintay ang desisyon ng Inter-Agency Task Force (IATF) hinggil dito.
Aniya, inatasan rin niya ang mga pulis na linawin sa mga Local Government Unit (LGU) ang pag-iimplementa ng protocols laban sa COVID-19.
Nagpaalala naman si Eleazar sa mga turista na alamin muna ang mga ipinatutupad na protocols sa kanilang pupuntahan bago bumiyahe.
