[image: IFM 919 Logo (1).jpg]
Nanawagan karon ang Deputy Station Commander sa Makar Police Station nga si Senior Inspector Robert Forres ngadto sa publiko nga sila suportahan sa kampanya batok loose firearms sa ilang area of responsibility.
Matod kay PSI Forres ang tabang sa publiko makamintinar sa kahapsay og kalinaw sa komunidad.
Ugaling adunay nasayran nga mga tawong dili otorisadong moangkon og armas gilayong ireport ngadto sa kapolisan aron maaksyonan.
Ang mga loose firearms sagad ginagamit sa mga suspek sa pipila ka krimen sa siyudad sama sa pagpamusil, tulis, ransak og kawat.
Pahayag pa ni Forres nga dili epektibo ang kapolisan kung walay magsumbong gikan sa komunidad sa mga naghupot og iligal nga armas.
Facebook Comments
