Nag andam na karon ang Philippine National Police (PNP) sa disaster response human gideklara sa PAGASA nga nagsugod na ang ting-ulan nga kung diin makasinati ug pat-ak-pat-ak ug hinay ngadto sa kusog ang ulan nga dala sa southwest monsoon.
Sa pahayag sa PAGASA, magpadayon ang pag ulan nga masinati lukop sa tibuok nasud partikular sa Luzon ug Western Visayas tungod kini sa “monsoon break” o kusog nga pag bundak sa ulan nga mo lungtod kini ug pila ka adlaw o semana.
Matod pa sa PAGASA ang kundisyon sa pag ulan sa Hulyo, gilaumang “above normal” sa parte sa Luzon ug Visayas samtang dinhi sa Mindanao ug southern visayas “generally below normal”.
Matod pa ni PNP Chief Albayalde, adunay naka andam nga mga rubber boats ug ubang ekipo gikan sa mga LGU, giandam usab ang pag bansay-bansay sa mga personahe sa PNP para sa search and rescue
Diri sa probinsya sa Zamboanga del norte ang kapulisan dinhi ilabi na sa mga kalungsuran ang kanunay nga naka alerto may kalabot sa mga disaster ilabi na sunod –sunod na ang pag ulan-ulan ug kahibaloan nga ang probinsya sa Zamboanga del norte gilikusan kini sa mga dagkong suba ug dali nga mo taas ang tubig baha.
Hinungdan nga ila nang giandam ang ilang mga gamit pang rescue kun ugaling adunay katalagman nga mahitabo.
