PNP nigukod sa nagpatay sa opisyal sa Guihulngan Police

Nimando na ug manhunt operation si Police Regional Office-7 Director, Chief Supt. Debold Sinas batok sa mga nagpatay sa deputy chief sa Guihulgan City Police Station,sa lalawigan sa Negrod Oriental.

Si Sinas nipasusi sa nadawat nga impormasyon sa kapolisan sa Guihulngan nga sparrow unit sa NPA ang responsabli sa pagpatay ni Senior Inspector Porferio Gabuya Jr .

Si Gabuya gikan pa nga nitambong ug security briefing sa PNP ug nihapit una sa usa ka tindahan aron mangape ug didto na kini birahi sa duha ka mga armadong lalaki nga ta-as ang kalibri sa armas .


Ang mga suspek nga nagmotorsiklo didto nipadung sa La Libertad sa maong lalawigan ug padayong gi-hunting karon sa kapolisan .

Si Gabuya taga Sugbu ug kasamtangan nga na-assign sa Guihulngan City, isip deputy chief sa kapolisan .

Facebook Comments