Kini human nga usa ka PNP personnel ang nalambigit sa eskandalo human kini nakigdulog sa usa ka babaye nga minyo usab, sulod sa usa ka Inn sa Digos City, Davao del Sur.
Ang PNP personnel nga alyas Cardo, 46 anyos, nakadestino sa PNP Highway Patrol Group (HPG) – Region XI. Samtang kauban niini ang usa ka alyas Charrie, 36 anyos, minyo.
Mismong ang bana pa sa babaye ang miuban sa kapulisan pag-raid sa Inn ug didto nadiskobrehang nagdulog ang duha ug walay sapot ang iyang misis.
Sa interbyu sa DXDC RMN Davao kang Police Major Noel Villahermosa, Station Commander sa Talomo Police Station, gibutyag niini nga manubag gayud sa balaod ang kinsa mang malambigit sa maong mga binuhatan.
“Pahimangno nato nga dili lang ma-involve sa any illegal activities whether personal or official kay kabalo na mo unsay consequences – criminal and administrative cases basta mga PNP personnel,” tataw ni Villahermosa.
Nanghinaut ang PNP official nga magsilbing leksyon ang maong insidente labi na sa ilang hanay.
RadyoMaN Kirby Manzon
