Segun ni Tilcag, nagdepende usab sa sitwasyon o unsa nga krimen ang nahitabo apan angay lang nga hatagaan usab og konsiderasyon ang kapulisan ilabi na kung walay sayup nga gihimo ug wala nagpasagad ug iyang gihimo ang iyang trabaho.
“Depende sa panghitabo kun maingon nato lapses sa kanang police kun naay makit-an pwede pero kun makit-an pwede gyud na walay mali sa pulis, wala sya nagpabaya, gihimo niya iyang trabaho, mao nang giingon ko na situational,” sulti ni Tilcag.
Samtang nahinabi usab sa Team sa DXDC si Police Major Catherine Dela Rey, Spokesperson sa DCPO ug gisulti niya nga dugay nang gipatuman sa organisasyon sa kapulisan ang One Strike Policy ug dili na kini bag-o.
Gipasabot sa opisyal, dili lang sa krimen ang apil sa ‘One Strike Policy’ kun di mahimong ma-relieve usab, ang usa ka opisyal sa kapulisan kung malambigit sa illegal nga droga o malayasan sa mga piniriso.
“Pwede sya rape o pwede sa lugos nga makit-an gyud dinha sa iyahang (AOR) kunyari daghan ng rape nga wala gyud nasulbad.
Something is wrong sa station commander ngano dili ma solve ang maong kaso base pod order,” sulti ni Dela Rey.
Kahinumdum, gi-relieve si PLT Col Edgardo Bernardo, Hepe sa Tagum City Police Station human sa sunod-sunod nga pagpamatay sa maong dakbayan, una ang 9 anyos batang babayi nga si alias Anna kinsa napalgang patay sa Purok Durian, Apokon ug ikaduha ang napalgang patay usab nga laing 18 anyos nga babaye nga si Nike Kassim kinsa giingong gilugos sa wa mailhing suspek sa nasampit nga lugar.
RadyoMaN Don Pulayao
