Kumpyansa pa gihapon karon ang Philippine National Police (PNP) nga dili maka apekto sa kampanya batok illegal nga droga human nag atubang karon ug kontrobersyal may kalabot sa mga “Ninja Cops” o mga pulis nga nalambigit sa pagre cycle sa illegal nga droga.
Butyag pa ni PNP Chief General Oscar Albayalde, naka focus karon ang ilang hanay sa pakig gyera kontra illegal nga droga tungod kay mao kini ang ilang trabaho nga mando ni Pang. Duterte.
Pasabot pa ni Albayalde walay hunong karon ang kampanya sa PNP, ug walay siya’y kasakit kang kanhi CIDG Chief Benjamin Magalong, bisan paman sa ilang pagtinubagay sa pagdungog.
Dinhi sa Zamboanga peninsula, gimonitor karon ni Regional Director Gen. Froilan Quidilla, kun aduna ba’y mga pulis nga naghimo ug illegal sama nalang sap ag recycle sa droga nga ma kumpiska sa operasyon.
Kung kahinumduman, pipila na ka tuig ang milabay, daghang mga sakop sa PNP dinhi sa Probinsya sa Zamboanga del norte nga gilambigit sa drogang Shabu.
