Padayon gihapon karon ang panawagan sa kapulisan ngadto sa mga kabataan o mga hamtong nga buot mosulod sa grupo sa mga rebeldeng NPA nga kung mahimo likayan na tungod kay walay mahatag nga kaayohan sa katilingban.
Sa karon subsob usab ang paghimo ug mga information drive sa kapulisan ngadto sa mga hilit nga lugar ning probinsya sa Zamboanga del norte tungod kay sa kasamtangan daghan pa gihapong galihok diha sa kabukiran.
Gani padayon usab nga ginamonitor sa kapulisan ug kasundaluhan ang pipila ka mga lugar dinhi sa probninsya nga anaa ang presensya sa mga NPA.
Matod pa sa PNP Zamboanga del norte ngadto sa mga NPA nga anaa pa gihapon diha sa kabukiran nga dili pa ulahi ang tanan para mo balik sa sabakan sa Gobyerno tungod kay daghang programa alang kanila.
Hinuon, nagplano usab si Pang. Duterte nga subling balikan ug ablihan ang Peace talk tali sa gobyerno ug NPA aron hingpit na matapos ang dugay nang insurhensya sa nasud.
Pahinumdom nalangsa mga PNP ngadto sa ginikanan nga bantayan ang ilang anak aron dili madala sa tam-is nga pasalig sa mga NPA.
