Matapos ang pag-anunsyo ng Department of Education sa publiko na ang pagbabalik ng klase ngayong School Year 2023-2024 ay sa ika-29 ng Agosto.
Dahil dito magpapatupad ng maximum deployment ang hanay ng kapulisan sa lalawigan ng Pangasinan upang magbigay ng seguridad sa mga paaralan.
Ayon kay Police Capt. Renan Dela Cruz, Pangasinan PPO spokesperson, ipapatupad aniya ang maximum deployment sa kanilang mga kasamahan upang mapangalagaan ang kaligtasan ng publiko.
Ayon pa sa kanya, 5-10% ng kanilang mga kasamang pulis ang mananatili sa loob ng himpilan ng istasyon para sa nakatakdang serbisyo sa pamamagitan ng seguridad sa mga paaralan.
Dagdag pa rito, bukod sa pagpapanatili ng kaayusan at kapayapaan sa mga paaralan ay makikibahagi din ang pulisya sa Brigada Eskwela upang tumulong na maglinis sa paaralan. |ifmnews
Facebook Comments
