Dili gayud undangan sa nasudnong kapulisan ang mga ‘pasaway cops’ kun mga badlongong mga tinugyanan sa balaud kinsa bisan pa man sa hugot nga pasidaan, nagapabuto sa gihapon kesehodang adunay maangol o makabsan sa kinabuhi atol sa New Year’s Eve revelry.
Matud ni Philippine National Police (PNP) spokesperson Chief Supt. Dionardo Carlos, aduna silay mga nadakpan kun ikiha gumikan sa pagpabuto gani siya nisaad nga tumanon nila ang ilang panaad nga dili duphan ang mga abusadong pulis.
Sa pikas bahin, giawhag ni Carlos ang publiko nga inay husgahan ang mga pulis nga na-involve sa latest ‘misencounter’ sa kaulohan diin adunay duha ka mga sibilyan napagan, mas makaayo sa tanan kun ato usang hulaton ang pinal nga imbestigation.
“Antayin natin ang results ng formal investigation…we must look at the evidence,” segun sa tigpamaba sa PNP.
Kahinumdoman nga nahimong kontrobersyal na usab ang usaka police operations sa kaulohan sa dihang nigula ang datos nga ang mga napatay ug naangol mao mismo ang biktima sa sayo nga insidente sa pagpamusil.
Sa paraffin test, nigula hinoon nga positibo usab sa gunpowder burns ang mga luwan sa sakyanan nga giulan ug bala gikan sa mga responding policemen ug mga pursuing barangay tanods sa area sa krimen.
RadyoMaN June Duterte
