Malapit na ang Christmas season kaya pinaigting ng Philippine National Police ang babala nito sa publiko kontra sa mga indibidwal o grupo na ginagamit ang pangalan ng ahensya, mga yunit nito, at mga opisyal para makapagsolicit ng pera, gamit, o anumang uri ng tulong.
Ayon kay Acting PNP Chief Police Lieutenant General Jose Melencio C. Nartatez Jr., hindi kailanman nagsosolicit o nanghihingi ang kanilang ahensya.
Nagbigay din ng direktiba si Nartatez sa lahat ng PNP personnel sa buong bansa na huwag i-entertain o sagutin ang anumang solicitation messages.
Hinimok din niya ang publiko na manatiling maingat at agad na i-report ang anumang kahina-hinalang aktibidad.
Facebook Comments
