Pinapayagan na ng PNP-Supervisory Office for Security and Investigation Agencies (PNP-SOSIA) ang paggamit ng summer special set of uniform para sa mga private security personnel na naka-deploy sa outdoor areas.
Base sa uniform and equipment board resolution ng PNP-SOSIA, mapanganib ang kasalukuyang heat index na maaaring magdulot ng heat exhaustion at heat stroke.
Kaya upang maprotektahan ang mga private security personnel mula sa matinding init, ang mga private security service provider ay kailangang humingi ng letter of authority bago gamitin ang summer uniform na sasailalim naman sa pagsusuri ng uniform and equipment board bago ito gamitin.
Ang paggamit ng naturang uniporme ay mananatili lamang hanggang bumalik sa normal level ang heat index.
