PNP Talakag, aduna nay person of interest sa pagpusil patay sa duha ka mga barangay kagawad

56

Aduna na matud pay person of interest ang Talakag Municipal Police Station kalabot sa pagpusil patay sa duha ka mga barangay konsehal sa Barangay Dominorog, Talakag, Bukidnon.


Sa interview sa RMN Malaybalay ngadto kang Police Captain Dominador Orate Jr., ang hepe sa Talakag PNP gibutyag niini nga adunay mga witness karon nga mitumaw nga ilang pangayoan ug statement aron maduso ang kaso batok sa mga suspek.

Matud ni Orate nga pulitika ang ilang gitutukan karon nga angulo sa mao nga krimen.

Dili pa usab mahatagan sa hepe ang ubang detalye kalabot niini aron maprotektahan ang mga witness.

Gipahayag ni Orate nga ilang gipadalpin ang usa ka anggulo nga tungod sa bangi sa yuta ang motibo sa kamatayon nila ni Kag Mauricio Guinto ug Lorenzo Pedyaan niadtong miaging Lunes sa buntag.

Gipasabot niya nga layo ra kaayo ang mao nga motibo human ang ilang gihimong halawom nga imbestigasyon.

Sa karon adunay mga persons of interest ang kapulisan ug posibleng sa musunod nga mga adlaw makapagawas na sila ug cartographic sketch sa mga suspek.




Gi-apil na usab karon sa kapulisan ang ilang imbestigasyon ang milangkob sa barangay konseho sa Dominorog.

Facebook Comments