Davao City – Sitahon lamang ug dili gilayon panakpon kadtong mga nagalaroy-laroy diha sa kadalanan sa dis-oras sa kagabhi-on sukwahi sa alegasyon sa mga kritiko niini.
Kini maoy giklaro ni Philippine National Police (PNP) spokeperson Chief Supt. Benigno Durana Jr. atol sa interbyu kaniya sa tulumanong ‘Straight to the Point’ diin gibutyag niini ang tumong sa Operation Tambay.
“Paninita ito sa mga tambay na lumalabag sa iba’t-ibang ordinansa na ipinasa nga iba’t-ibang lungsod sa ating bansa,” segun niini.
Sumala ni Durana nga pagpakgang sa street-level crimes ug pagmentenar sa hilway nga seguridad maoy nag-unang tumong sa hugot nga kampanya kontra mga istambay.
Gihimong ehemplo ni Durana ang Davao City diin napatuman ang maong peace and order campaign aron pagseguro nga adunay de-kalidad nga kinabuhi ang tanang mga lungsuranon.
RadyoMaN Jason Amisola
