Wa nay usa ka buwan ug Pasko na .
Subay niini ang kapolisan sa Central Visayas nipaalerto sa mga sakop niini ug nimando nga hugtan ang police visibility ug pagpatrolya sa mga lugar nga nagdasok na sa mga tawo sama sa mga department stores ug mall tungod kay sayong nag-holiday shopping .
Ang kapolisan gimanduan usab sa pagpakigcoordinate sa security officers sa mga mall ug ubang tindahan alang sa ilang gipatuman nga kaugalingong security measures.
Si Police Regional Office -7 director , Chief Supt. Jose Mario Espino niklaro hinoon nga wa pa sila makamonitor nga adunay nangabot nga mga notadong mangungoot ug ubang criminal nga gustong mopahimos sa nagsingabot nga kapaskuhan .
Apan matud ni Espino di angay nga mokompiyansa ang kapolisan ug publiko tungod kay karon nga panahon ang paborito sa mga criminal .
