Davao City – Gi-abisohan karon ang tanang provincial ug city directors nga maglusad og target hardening sa mga pampubliko ug pribadong vital installations sama sa simbahan ug establisemento sa gobyerno.
Kini mao ang mando ni PNP Chief Gen. Oscar Albayalde subay sa nahitabong twin bombing sa Jolo Sulu sa milabay’ng Enero 28 diin 21 ang namatay ug gatusan ang naangol.
Sumala ni Police Regional office 11 (PRO-XI) spokesperson P/Chief Insp. Jason Baria, mas alerto karon ang kapulisan ilabi na sa pagpahigayon sa DAVRAA Meet 2019 sa dakbayan sa Davao bisan pa man gipatuman ang Martial Law sa Mindanao.
Dugang ni Baria nga gipahugtan usab nila ang checkpoints aron masiguro nga walay Improvised Explosive Devices (IEDs) nga makalusot ug malikay ang susamang nahitabo sa Jolo.
Nanawagan ang opisyal sa katawhan nga makigkoordinar kanila panahon nga adunay mamatikdang kadudahang lihok ingon man butang.
“We are asking the help of the community kung ano ang napapansin natin sa kapaligiran at maging vigilant tayo at isumbong agad sa kapulisan at kasundaluhan kung sino ang pinakamalapit sa vicinity sa area para ito daling ma-aksyonan,” segun ni Baria.
RadyoMaN Jason Amisola
