PNP: Tulis sa Panabo, ‘isolated case’ lamang

Davao City – Nagpadayon karon ang imbestigasyon sa Panabo Police Station (PS) kalabot sa nahitabong pagpanulis sa usa ka establisemento sa Barangay Gredu, Panabo City, Davao del Norte pasado alas 8 sa gabii niadtong Pebrero 5, 2023.

Sa interbyu sa DXDC RMN Davao Police Lieutenant Colonel Adelon Caacbay, Chief of Police sa Panabo PS, nga ilaha nang gi-post sa ilang Facebook page ang pictures sa mga suspek subay sa kuha sa close-circuit television (CCTV) camera.

Matud ni Caacbay nga subay sa impormasyon gikan sa establisemento, anaa sa kapin P70,000 ang natangag sa mga kawatan.

Hinuon, giklaro sa police official nga ‘isolated case’ lamang ang insidente.

“Isolated case ‘to. Pero we are still conducting follow-up investigation for us to know the identity of the suspects,” tataw ni Caacbay.

Giawhag sa Panabo PS ang publiko nga mookoperar pinaagi sa pagpahibalo sa otoridad kung sila adunay kasayuran sa mga suspek nga nagpabiling at large.

RadyoMaN Kirby Manzon

Facebook Comments