Walay nakitang problema ang Commission on Election sa pagsugod sa botasyon sa Sk og Barangay Election kagahapong adlawa.
Matod ni Manlalaban Veronico Petalcorin kasamtangang Regional Director sa Comelec 7 nga 100 percent nga nakasugod sa alas 7 sa buntag ang kapin sa 2,900 ka polling precincts.
Ipasubay pa sa Comelec ang report nga adunay mga batan-on ang gipang dala sa usa ka kandidato sa sa SK sa barangay Suba nga gipakaligonsa usa ka resort sa lungsod sa Minglanilla niadtong domingo.
Matod ni Petalcorin nga labing maayo nga adunay mga ginikanan nga mo reklamo sa ilang buhatan apan iyang giklaro nga kung ang mga bata mikuyog sa ilang ka bubot-on walay nalapas ang usa ka kandidato.
Nagmatngon usab ang Comelec matod ni Petalcorin sa pamasin nasuko ang ginikanan kay lahi ang gi suportahan nga kandidato.
Sa nagpadayon nga botasyon sa nagkadaiyng Polling Centers adunay mga reklamo nga ilang nadawat sama nalang sa mga PWD’s ug mga senior cetizens nga naglisud sa pagsaka sa mga polling precints nga naa nahimutang sa ika tulo ngadto sa ika upat nga andana sa tunghaan.
Gitugotan niya ang desisyon sa election officer nga mo assist sa sitwasyon kung kinahanglan ba nga maka botar ang botante nga dunay deperensya sa panglawas sa luwas nga lugar.
Apan iyang gi awhag ang publiko nga tabangan kining mga PWD’s ug mga hamtong na nga makasaka sa polling precincts aron maka himo sa ilang katungod nga mo boto.
Samtang gihulagway ni Chief Supt. Robert Quenery Director sa Police Regional Office 7 mihulagway nga malinawon pa ang eleksyon sa pagkakaron.
