Davao City – Wala malipay si Davao City Mayor Baste Duterte ug mitingog na kalabot sa pag-relieve sa 19 ka police officials sa Davao City Police Office (DCPO) ubos sa mando ni PNP General Rommel Francisco Marbil ug gipatuman ni Police Regional Office (PRO) XI Director PBGen. Nicolas Torre III.
Sa gipagulang pamahayag sa mayor, iyang gibutyag nga ang lakang ni Marbil ug Torre, nakaminus sa pagpaningkamot ug trabaho sa kapulisan. Alang kaniya, ang mass relief sa PNP, dili makatabang sa pagsustinar sa kalinaw ug seguridad sa dakbayan. Dugang sab ni Baste nga inay pasidunggan ang ilang nakab-ot, gipulihan na hinuon ug gikwestyun ang kapasidad.
Segun ni Baste nga kung nakita ni Torre nga dili epektibo ang kapulisan sa dakbayan, nganong nagpabilin isip top performing police office ang DCPO sa tibuok rehiyon onse.
Mubarog matud pa ang alkalde kauban ang matag sakop sa DCPO.
Samtang, naghulat nalang sab ang DXDC RMN Davao sa opisyal nga pamahayag ug rason sa PRO XI kalabot sa maong mass relief.
RadyoMaN Ivy Parido
Facebook Comments
