PNP ug sundalo dinhi sa Zamboanga del norte nag sanib-pwersa aron mapatunhay ang kahapsay ug kalinaw

50

Padayon karon ang kapulisan sa dinhi sa probinsya sa Zamboanga del norte sa paghimo ug mga checkpoint diha sa kadalanan aron nga masiguro nga walay mga dautang tawo ang makasulod-gawas dinhi sa probinsya.

Dili lang mga dalalanan karon ang gibantayan sa mga tinugyanan sa balod kundili apil na ang mga pampublikong lugar sama sa Plaza, Terminal sa mga PUB, tugpahanan ug mga pantalan.


Kini human sa nahitabong pagpabusikad sa usa ka suicide bomber didto sa may Indanan, Sulu particular na duol sa kampo sa mga sundalo.

Si Zamboanga del norte Provincial Director PLtc. Ronald Briones, naningkamot gayud nga mamahimong malinawon ang tibuok dapit sa probinsya ilawom sa iyang liderato.

Dili lang mga pulis karon ang nagbantay sa kahapsay ug kalinaw kun dili lakip na ang mga kasundaluhan ang mitabang sa kapulisan.

Giawhag lang ang katawhan nga sa kanunay magbinantayon ug kun adunay mga kadudahang nga tawo o butang, gilayong itaho sa pinakaduol nga buhatan sa kapulisan aron nga dali mahatagan ug aksyon.

Facebook Comments

From Advertisers