PNP wala pa sang bastante nga ebidensiya para magpasaka sang kaso kriminal sa mga politiko nga nalakip sa narco list ni presidenti Duterte

289

Aminado ang Philippine National Police nga wala pa sila sang nauyatan nga bastante nga ebidensiya para mapasakaan sang kaso criminal ang 46 ka mga kandidato nga nalakip sa nasambit nga listahan.

Ginklaro ni PNP spokesperson Col. Bernard Banac nga administrative case pa lang ang napasaka batok sa mga politico base sa mga testiminiya kag validation sang mga law enforcement agencies.

Suno pa kay banac nga indi sila mag-untat sa pagtipon sang mga inpormasyon kag kon makakuha sila sang mabakod nga ebidensiya indi sila magduha-duha sa pag-file sang kaso criminal sa natungdan.

Sang damlag lang, ginpahayag ni Interioir Secretary Eduardo Año nga ang na-file nila nga kaso sa Ombudsman ang lunsay administrative complaints sa grave misconduct, conduct prejudicial to the best interest of the service, conduct unbecoming of a public officer kag gross neglect of duty.

Paathag ni Banac nga nagakahulogan ini nga ang nasambit nga mga politico ang mahimo nga mga protectors sang illegal nga druga okon nagpabaya sa paglapta sang druga sa ila lugar.
WEB PHOTO

Facebook Comments