Davao City – Gi-angkon karon ni Magdalo Partylist congressman Gary Alejano nga nabalaka kini sa pagbalik sa mga pulis sa ‘Oplan Double Barrel’ ug ‘Oplan Tokhang’ subay sa kampanya kontra droga.
Giingon ni Alejano nga daku ang posibilidad nga madugoon gihapon ang pagbalik sa kapulisan sa war on drugs hilabi na nga mao kini ang gusto mahitabo ni Pres. Rodrigo Duterte.
Na-anugunan si Alejano sa wala pagkonsidera sa gobyerno sa sugyot ni Philippine Drug Enforcement Agency (PDEA) Director Aaron Aquino kay puwede ra subli mogunit ang Philippine National Police (PNP) sa kampanya kontra droga nga dili maduguon butang nga daw gikala-in sa magbabalaud.
Dugang ni Alejano nga wala niya mauyoni ang pagkuha og listahan sa mga tawong nalambigit sa droga diha sa mga kabarangayan nga maoy gamiton alang sa ‘Oplan Tokhang’ sa kapulisan.
Buot susihon ni Alejano kun aduna ba’y bag-ong dagway ang war on drugs o wala karon nga mibalik na sa campaign ang kapulisan.
Gihataganusab og igong pagtagad ni Alejano ang saad ni PNP Director General Ronald Bato Dela Rosa nga limpyohan ang kaugalingong tugkaran gikan sa salawayong mga pulis.
Gihisgotan sa kongresista ang 30 mil ka mga drug personalities nga napatay sa war on drugs ni Duterte pinaagi sa operasyon sa kapulisan.
Apan bisan paman niini, wala nagpakawala sa paglaum si Alejano nga adunay matigayon nga pag-otro sa dagway sa kapulisan diha sa giyera batok iligal nga droga sa tibuok Pilipinas.
Dili kumbinsido si Alejano nga masulbad sa PNP ang suliran sa droga sa Pilipinas ilawom sa termino ni Duterte.
Gipunting usab sa kongresista nga malisud ang pagsulbad sa problema sa droga sa nasud diin siya niakusar nga mismo ang anak sa presidente nga si kanhi bise alkalde Paolo Duterte giakusahan man nga nahilambigit sa P6.4B shabu shipment nga hangtud karon wala gihapon maresolba.
RadyoMaN Joel Viray
