Davao City – Nagpadayon karon ang imbestigasyon sa Police Regional Office (PRO-XI) kalabot sa alegasyong kalambigitan diha sa mga investment schemes sa pipila ka mga police personnel dinhi sa Davao Region.
Subay kini sa bahad ni PRO-XI Regional Chief Brig. Gen. Marcelo Morales sa milabay’ng semana diin mag-atubang og kaso ang mga malapasong personahe ilawom sa iyang kamandoan.
Pikas bahin, gitataw karon ni PRO-XI spokesperson Police Maj. Jason Baria nga panahon nga ang asawa o pamilya sa pulis mosulod niini, sutaon nila og maayo ang eksplanasyon sa maong personahe una pa man kini nila pagahukman.
Kasong administratibo, kalapasan sa Code of Ethical Standards ug insubordination maoy lagmit atubangon sa mga erring policemen kinsa mapamatud-ang nahilambigit diha sa mga easy money-making schemes nga nilipang karong mga panahona.
RadyoMaN Jason Amisola
