Guipos, zamboanga del Sur – Gipaniguro karon sa kapulisan sa probinsya nga patas ang pagtratar sa ilang mga tropa ug mga hepe nga nadestino sa nagkalain-laing mga kalungsuran.
Kini ang tubag ni Psupt. Homer Dumalag ang Deputy Provincial Director for operations sa Police Provincial Office, sa hangyo ni Dimataling Municipal Mayor Maria Dolores Baya nga mamahimong patas ang kapulisan.
Sumala ni Dumalag, kinihanglan kaayo ang kooperasyon sa Local Government Unit aron mas mahimo pang epektibo ang kapulisan nga anaa sa kalungsuran.
Mihangyo usab si Dumalag nga dili personalon ang ilang mga police operation kay kabahin matud pa kini sa ilang trabaho nga gipanumpaan ang pagdakop sa mga makalapas sa balaod.
Facebook Comments
