Poblacion District Leaders, Gi-seminar kalabot sa pag-rename sa Barangay

Davao City – Misalmot ang 40 ka mga barangay officials sa Poblacion District sa gilusad nga seminar aron masabtan ang gi-propose nga ordinansa sa pag-ilis sa numerically named barangays sa Dakbayan sa Davao.

Gipangunahan ni Councilor Atty. J. Melchor Quitain Jr. ang Barangay Leaders’ Orientation on Cultural and Historical Naming diin gihatagan og katin-awan sa opisina ug sa Davao City Culture and Arts Office ang mga giya sa hustong pagpili og bag-ong ngalan para sa mga barangay nga kasamtangang numerically designated.

Gipasabot nga ang renaming initiative usab nagtinguha nga mas maila, mas makahulogan, ug mas mahimong konektado sa kultura ang matag barangay.

Matod pa ni Quitain, ang lakang usa ka kabahin sa paningkamot sa syudad nga mapreserbar ang kultura ug kasaysayan sa Davao.

Nahimo sab nga speaker si Mr. Oscar Casaysay sa Davao City Culture and Arts Office sa paghatag og historical ug cultural framework nga mahimong basihanan sa mga barangay sa ilang suhestiyon nga mga pangalan.

RadyoMaN Kareen Beltran