Davao City – Giduso karon sa lokal nga konseho ang Privately Owned Public Open Spaces (POCOS) nga rekomendasyon sa environmental groups sa syudad sa Davao.
Sa interbyu kang Interface Development Interventions (IDIS) focal person Chinkie Golle, pamaagi kini aron makatabang sa kinaiyahan nga sakop ra usab sa zoning ordinance sa Davao ilabi na ang Shrine Hills.
“It remains to be the lung of the urban area (which is) the Davao City. We hope na ma-develop ug ma-enhance ang vegetation at the same time ma-solve ang concern sa landslide ug erosion sa Shrine Hills.”
Matud ni Golle, bulnerable ang maong lugar sa geological hazards sa pipila na ka tuig sama sa milabay’ng landslide gumikan kay wala na-monitor.
Gani, malaumon ang IDIS ug Sustainable Davao Movement nga maseguro ang kaayuhan ug ma-sustain ang Shrine Hills pinaagi sa pag-apruba sa ilang rekomendasyon.
RadyoMaN Jason Amisola
