Davao City – Magpahigayon Ang Philippine Obstetrical and Gynecological Society, Inc. ug ang POGS – Southern Mindanao Chapter uban ang DXDC 621 RMN Davao isip official media partner sa ika- 15 nga kasaulogan sa National Araw ng Buntis.
Libreng serbisyo ug daghang premyo ang itunol alang sa mga buntis karong adlawa Marso 10, Sabado sa The Atrium sa Abreeza Mall, alas-dose hangtud alas-singko sa hapon.
Sumala ni Dra. Danna Reyes sa POGS-Southern Mindanao Chapter, tumong niining ipahigayong tinuig nga aktibidad nga matunol ngadto sa nanay ilabina sa mga buntis ang dugang kasayuran ug kahibalo.
Atol sa himuong lecture karong hapon pagahisgutan ang pagpangandam sa mga buntis panahon sa emerhensiya, kalamidad o sa mga dili matagnang mga katalagman.
Gilaumang dul-an 600 ka mga buntis ang mosalmot maong aktibidad.
Ang Buntis Month karong tuiga dunay tema nga “POGS: Kaagapay ni buntis sa panahon ng kalamidad at krisis.”
RadyoMaN Aimee Guinita
