Point of service program gipasabot sa Philhealth

30

Davao City – Gipasabot sa Philhealth XI ang point of service program alang ngadto sa mga dili miyembro ug dili aktibong miyembro.

Sa pakighinabi kang Kleah Dublin sa Philhealth XI atol sa tulumanong Serbisyong Straight to the Point, gipasabot niini nga ang maong programa adunay duha ka kategorya diin ang usa alang sa mga giingong financially incapable diin matud pa ang gobyerno ang mu-cover sa mabayaran sa dili aktibong miyembro kung maadmit.

Samtang sa financially capable, alang sa mga adunay kapasidad nga magbayad apan wala naupdate ang kontribusyon, pwedeng magabayad sa philhealth alang sa 1 year contribution nga 2,400 pesos aron maka-avail dayon sa benefits sa philhealth atol sa admission sa ospital.

Apan giagni sa philheath ang publiko nga mas maayo og mamahimong aktibong miyembro ug updated ang bayad sa kontribusyon aron og magkinaunsa pwede nilang ma-avail ang philheath benefits.

RadyoMaN Renz Barbarona

Facebook Comments