Polanco Zamboanga del Norte: POLANCO BRIDGE TEMPORARYONG ISIRADO SA TRAPIKO SUGOD HULYO 7, NING TUIGA

Nagapahibalo karon ang distritong buhatan sa 3rd Engineering District sa Department of Public Works and Highways (DPWH) nga nakabase sa Sigabi, Pinan, ning lalawigan ngadto sa tanang motorista kalabot na sa umaabot nga ipatumang temporaryong pagsira sa *Polanco Bridge* sugod karong *Hulyo 7, (adlaw’ng Biernes)* hangtud na sa *Hulyo 10, (Lunes) *karong tuiga.

Mao kini ang pahibalo nga giluwatan sa nasangpit nga ahensiya pinaagi sa usa ka sulat nga gipirmahan ni Assist. District Engineer, Wilfredo L. De Guzman.

Sumala pa nga ang temporaryong pagsira sa Polanco Bridge sugod sa alas 7:00 ang takna sa gabii sa Hulyo 7, 2017 ang mag-gumikan sa paggahimoong pagbubo ug semento ngadto sa “deck slab” sa nahisgotang tulay.


Dugang gipaklaro sa DPWH nga ang temporaryong pagsira sa maong tulay sa naasoy’ng petsa sa unahan ang magpasabot nga hingpit kining isirado ngadto sa tanang mga matang sa sakyanan nga maga-biyahi sa Pinan ug Mutia.

Matud pa nga mga sakyanang mobiyahi ngadto sa mga lungsod sa Pinan ug Mutia ang temporary una nga moagi sa Dipolog-Oroquieta Road.

Hinoon, gipasalig sa DPWH nga ang Polanco Bridge ang mamahimong pagabuksan pagbalik ngadto sa publiko apan alang lamang ona sa mga *“light vehicles”*, sa *Hulyo 10, 2017 (Lunes)* sugod sa alas *7:00* ang takna sa buntag, aron sa paghatag ug igong panahon nga mamahimo na nga ma-agi-an ang nasangpit nga bag-ong gikonkretong porsiyon sa nasangpit nga tulay.

Facebook Comments