Un plastic bag ta contene blanco polbos ya puede encuntra largao na tiera enfrente del un barberia na Guiwan del Webes tarde.
Asegun na report del pulis banda alas 5:45 del tarde cuando ya columbra con el plastic bag enfrentero del Gibrielle Barbershop y dayun si PO3 Joseph Cuenco ya reporta na Divisoria Police Station.
Cuando ya responde el otro maga pulis enseguidas tambien ya saca con el plastic bag y ya entrega na Crime Laboratory para el propio examinacion para sabe si cosa quell clase de chemical el blanco polbos.
En este maga hora nohay pa resulta del examinacion.
El recobrida del mysterioso polbos ya sosede amediante el peleya del gobierno contra droga na paiz.
Facebook Comments
