Davao City- Gisusi pa karon sa kapolisan sa Mati ang motibo sa pagpusil patay sa usa ka asset sa kapolisan sa Barangay Central, Mati City, Davao Oriental kagahapong adlawa.
Ang biktima giila nga si Agripino Cuervo Diamante nga nagpuyo sa Kalinga, Sudlon, Brgy. Central, syudad sa Mati. Natigayon ang pagpusil patay sa biktima didto kilid sa iyang balay alas 5:45 kagahapon sa hapon.
Sumala sa record sa Mati City Police Office, nakadungog na lamang ug sunod-sunod nga buto sa pusil ang mga silingan sa biktima sa dihang gipusil si Diamante sa wala mailhing lalaki. Matud pa gitiwasan pa sa pagpusil sa iyang ulo hangtod nga namatay. Human sa insidente wa mailhing suspect gilayon mieskapo dala ang motorseklo sa biktima.
Gitohoang maykalambigitan sa iyang trabaho ang motibo sa krimen isip asset sa kapolisan pinaagi sa paghatag ug impormasyon kabahin sa operasyon sa gidiling droga sa ilang lugar.
RadyoMan Bernard Pantallon
