Roxas City, Capiz- Napasakaan na kahapon nga adlaw sang patung-patong nga mga kaso ang hepe sang Dumalag PNP nga si Police Captain Alcer Monsera nga amu ang ginapahayag nagamaneho sang Montero Sports nga nagbunggo sa ambulansya sang Sigma MDRRMO.
Sa madumdoman, duha ka mga responders sang banwa sang Sigma ang ginbawian gid sang kabuhi samtang isa ang pilason sa nagluntad nga aksidente sa Barangay Ondoy sa banwa sang Ivisan.
Ginkumpirmar ni CPPO Provincial Director Col Julio Gustilo Jr nga kaso nga Reckless Imprudence Resulting to Multiple Homicide, Serious Physical Injuries and d
Damage to properties ang ginpasaka nga panumbongon sang Ivisan PNP kontra kay Police Captain Alcer Monsera.
Suno kay Gustilo, nahulog sa regular filing ang pagpasaka sang kaso matapos nga wala gilayon mahingabot ang pila ka mga requirements nga ginapangayo sang hukmanan. Sa matandaan, natabo ang insidente sang Setyembre 7, 2020 matapos nga nabunggoan sang ginamaneho nga SUV ni Monsera ang ambulansya sang Sigma nga magpadulong kuntani sa syudad sang Roxas agud nga magsugat sang Repatriated OFW/LSI.
Natigayon gid nga bawian sang kabuhi ang sakay sang ambulansya nga nakilala kay Darius Yap(driver) kag upod sini nga si Ernie Fulgencio samtang pilason man ang isa pa ka upod sang mga ini nga nakilala kay John Rey Castillon.
