Ma-delay ang pagpungko ni Police Chief Inspector Jovie Espenido bilang Officer-In-Charge sa Iloilo City Police Office.
Ini ang ginkonfirmar mismo ni Espenido nga subong nagapabilin sa Ozamiz City Police bilang hepe sa pihak sang mandu ni Presidente Rodrigo Duterte kag pinirmahan na ni PNP Chief Ronald Dela Rosa ang iya appointment order para masaylo sa Iloilo.
Suno kay Espenido, madamo pa siya sang dapat himuon sa Ozamiz City kag isa na diri ang iya target nga pag-aresto kay Arthur Parojinog-ang utod sang napatay nga si Ozamiz City Mayor Reynaldo Parojinog.
Sa subong, nagalaum si Espenido nga mahangpan sang mga Ilonggo nga nagahulat sa iya pag-abot.
Facebook Comments
