San Jose, Antique – Gina-engganyo ni Police Chief Inspector Juvy Codero, hepe sang San Jose PNP ang iban pa nga nabiktima sang budol-budol group nga magpasaka man sang kaso batuk sa mga ini.
Ginhimo ni Cordero ang panawagan kasunod sang pagkadakop sa grupo sang budol-budol sa banwa sang Banate sang nakaligad nga Biyernes kag napasakaan na sang kaso nga estafa kag subong man sa paglapas sa R.A. 9165 ukon paghupot sang illegal nga druga kag R.A. 10591 ukon illegal possession of fire arms.
Suno kay PCI Cordero nga mas maayo gid nga madamo ang magapasaka sang kaso sa mga suspek agud mas mabug-at ang kaso kag mabudlay sa mga ini nga makaguwa sa prisuhan.
Ginhatagan pagtamod ni Cordero nga delikado pa kon makaguwa ang nasambit nga grupo bangud posible nga madamo pa ang mga ini sang mabiktima.
