Nakabaton sang Medalya ng Kagalingan ang hepe sang Sagay City Police Station kag ang duha ka mga Intelligence Operatives bangud sang isa ka madinalag-on nga operasyon nga nag-resulta sang pagka recover sang mga giant clams nga nagabalor kapin 5 million pesos sa ciudad sang Sagay.
Sa ginpatigayon nga flag raising ceremony sa Police Regional Office 6 Headquarters sa Camp Martin Delgado, Iloilo, ginpasidunggan sanday Sagay City PNP Chief, Police Major Antonio Benitez Jr. kag ang duha ka mga intelligence operatives nga sanday Police S/Sgt. Ronie Sanico kag JR P. Grande.
Ang medalya ginhatag sang bag-o ginpahamtang nga Deputy Regional Director for Administration Police Col. Remus Zacarias Canieso kag Regional Director sang DILG 6, Engr. Ariel Iglesia.
Madumduman nga sadtong April 11, 2019, may mga 11:40 sang aga, kapin 1.5 ka toneladas sang giant clams ukon ginatawag nga “Tridacna Gigas” ang narecover sa sunod sunod nga pag serbe sang warrant of arrest sa 3 ka mga suspek sa Brgy. Molocaboc, Sagay City.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
