Davao City – Dakpan sa kapulisan sa Investigation And Detective Management Branch (IDMB) ang usa ka lalaki nga dunay kaso alas-11:20 sa buntag nahitabo sulod sa Camp Captain Dominggo Llenor sa Davao City Police Office (DCPO) siyudad sa Davao.
Subay sa report gikan sa IDMB, ang dinakpan naila sa pangalang Allan Lumidas, 26 anyos, nagpuyo sa Corias Village 2 Garcia, Agdao ning dakbayan.
Matud pa samtang kining dinakpan nagkuha og Police Clearance niadtong tungora, nabantayan sa utoridad nga aduna kini kaso gilayon gisilbi ang warrant of arrest sa pagpanguna nila ni SPO1 Robert Pasan ug SPORT1 Ariel Terasol ubos sa mando ni Police Chief Inspector Navales, station commander sa IDMB.
Nasuta nga ang dinakpan adunay kasong kidnapping ug serious illegal detention nga giisyu ni Presiding Judge Retrina Fuentes sa Regional Trial Court Branch 10.
Ang dinakpan balhug na sa detention cell sa IDMB sa DCPO ning dakbayan.
RadyoMaN Don Pulayao
