Davao City – Nadakpan sa kapulisan sa Investigation and Detective Management Branch (IDMB) ang usa ka lalaki nga dunay kaso samtang nangapply og police clearance alas 2:30 sa hapon sulod Davao City Police Office (DCPO) siyudad sa Davao.
Base sa report gikan sa IDMB nga naila ang dinakpan nga usa ka Charlie Demiar, 40 anyos, usa ka driver ug residente sa Prudential Village Daliao, Toril ning siyudad.
Matud pa human nga nakadawat og impormasyon ang IDMB kalabutan sa akusado, gilayon gisilbi ang warrant of arrest ubos sa mando ni IDMB Chief Police Chief Inspector Oliver Navales diin igo lang sa pagtahan sa iyang kaugalingon si Demiar.
Si Demiar dunay kasong kalapasan sa Presidential Decree 1602 nga pinirmahan ni Judge Jill Rose Lo sa Branch 3 sa Regional Trial Court.
Ang akusado balhog na sa IDMB sa DCPO.
RadyoMaN Don Pulayao
