Davao City – Tulo na mga tawo nga dunay kaso ang gi-aresto sa Investigation and Detective Management Branch (IDMB) sa bulan sa Enero sa kasamtangang tuig samtang nagkuha og police clearance sulod sa Davao City Police Office (DCPO) sa siyudad sa Davao.
Sumala sa report gikan sa IDMB, naila ang mga nadakpan mao sila si Gregorio Mique, 28 anyos, usa ka security guard, residente sa Lower Sta. Cruz Buhangin, dunay kasong murder, Ryan Toroba, 28 anyos, nagpuyo sa Tambobong Baguio District, dunay kasong qualified theft ug laing usa ka Charlie Demiar, 40 anyos, Driver, adunay kasong kalapasan Presidential Decree 1602.
Ang tulo ka mga dinakpan gipanghatod na ngadto sa ilang lugar kung diin didto na ikulong sa mga duol nga police station.
RadyoMaN Don Pulayao
