Police Colonel muerto na operacion del PDEA y CITF

Un pulis con tranggo de colonel ya muri na operacion contra droga ya conduci el PDEA y el PNP-CITF na ciudad de Dipolog del Lunes por la noche.
Con el pulis ya conose como si Supt. Santiago Ylanan Rapiz, designao na Logistic Branch del Zamboanga del Norte Provincial Police Office.
Asegun na report del pulis, el PDEA undercover junto con el CITF ya compra shabu balor de P50,000 desde con Rapiz.
Pero despues del cambiajan del cen y shabu, ya puede gole si Rapiz con el operacion donde ya precura este corre.
Pero ya encercula conele el maga PDEA y CITF donde ya tene pa cambiajan de tiro hasta ya tumba si Rapiz.
Ya precura pa lleva conele na hospital pero ya declara conele dead on arrival el maga doctor.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments