Police gidagmalan sa iyang hinigugma tungod sa selos

30

Davao City – Selos ang hinungdan sa pagpangulata sa usa ka police kinsa midangop sa Talomo Police Station niadtong milabayng adlaw Domingo alas 3:30 sa hapon nahitabo didto sa Matina siyudad sa Davao.

Sa report gikan sa Talomo Pnp ang biktima naila sa pangalang alyas John, 23 anyos ulitawo, residente sa Brgy Langub ning syudad samtang ang suspek mao si alyas Ne, 31 anyos nga taga South Cotabato ug kasamtangang nagpuyo sa nahisgutang lugar.

Matud pa samtang ang Police niadto sa boarding house sa suspek aron pagkuha sa iyang mga personal nga butang kalit nasuko si Ne kang John tungod sa textmate sa maong complainant ug didto nagsugod ang away sa duruha diin nabuak ang usa ka picture frame resulta sa pagkasamad sa tuong bukton sa suspek.

Gumikan niini, giatake sa maong babae ang pulis pinaagi sa pag sumbag ug pag sipa sa nagkadaiyang parte sa lawas niini resulta sa pagkabun-og sa iyang kalawasan.

Human sa hitabo ang biktima nga si Tanio igo nalang sa pagpamedical check-up sa Southern Philippines Medical Center.

Ang maong police wala ma-assign sa presinto sa Talomo subay sa pamahayag sa kapolisan sa Talomo PNP.

RadyoMaN Don Pulayao

Facebook Comments