Davao City-Giimbestigahan pa sa kapolisan sa Tugbok ang gidangatan sa ilang usa ka sakop human gitabangan ug kulata ug gidakdakan og bato sa duha ka wa mailhing lalaki kagabii sa Barangay Sto.Nino, Tugbok Distict syudad sa Davao.
Sumala sa inisiyal nga imbestigasyon sa kapolisan, ang maong pulis giila nga si Police Officer 1 (PO1), Mark Rollen Daclan Amores, 21 anyos, ulitawo ug nagpuyo sa Papay Corner Santol Street Barangay Sto.Nino, Tugbok District ug naasign sa Tugbok Police Station.
Samtang nagsakay siya sa iyang motorsiklo, iyang gikasugat ang duha ka wala mailhing lalaki nga nagsakay usab ug motorsiklo ug hapit sila magbangga nga miresulta sa ilang panag-irgo. Tungod niini ang usa ka lalaki mikuha ug bato ug gihapak kang Amores hinungdan mibunot kini sa iyang pusil nga Glock 17, apan nailog kini sa lain pang lalaki pinaagi sa paglubag sa iyang kamot.
Base sa blotter sa kapolisan sa Tugbok, wala gibutang kung nakuha ba ang armas sa maong pulis. Human sa insidente gihatod si Amores sa ospital aron matambalan ang iyang mga bun-og ug samad nga nahi-aguman.
Kasamang Bernard Pantallon
