Davao City – Nabaliktad ang puntil sa bulsa sa usa ka police officer nga si Adones Basilio Mercado nga taga Sabroso Ecoland sa dihang nakuotan kini sa naghuot ug nagtapok nga mga bystanders ug customers dha sa night market sa Roxas Avenue ning siyudad sa Davao.
Base sa record sa Sta Ana PNP, misuroy sa Roxas si Mercado sa night market aron mukaon ug mamalit ug mga gamit.
Nakigduot ang complainant sa bagang duot sa mga katawhan sa lugar ug ulahi na niini nga nahibaloan nga nawala na ang pitaka gikan sa iyang bulsa.
Nagkapakapa sa pagpangita kining nahisgutang police gani gibalikan pa niini ang dalan kun asa siya miagi apan wala gayud niya marekober ang iyang pitaka diin tua didto iyang Phillipine National Police Identification Card, Comelec Voters ID ug cash nga P2,000.00.
Igo nalang gipatala ni Mercado ang mao nga insidente sa buhatan sa kapolisan sa Sta Ana PNP.
RadyoMaN Paul Canono
