Police nga giingong nagsili sa batan-on, kasohan

Davao City – Gipaniguro sa Don Marcelino Municipal Police Station (MPS) nga mag-atubang og kasong kriminal ug administratibo ang police nga giingon maoy nagsili sa kinatawo sa batan-on sa Sitio Pamongot, Barangay Talaguton, Don Marcelino, Davao Occidental niatong Hunyo 18, 2023.

Sa official statement sa Don Marcelino MPS, padayon nila karong ginaila ang maong police officer, diin ilaha usab nga gikondena ang maong binuhatan ug wala nila gina-tolerate ang hinimoan ilabi na sa mga personahe sa kapulisan.

“DMMPS would like to inform the public that we won’t tolerate this kind of abuse and we condemned this wrongful act and we assure them that we will do everything to identify the culprit and to file appropriate charges against him,” tipik sa ilang pamahayag.

Una niini, subay sa pamahayag sa biktima, nagpatabang kini sa detachment sa 3rd Platoon, 1st Davao Occidental Police Mobile Force Company (DOCPMFC) human kini kulatahon matud pa sa iyang amahan. Apan inay tabangan, gisilihan hinuon niini ang kinatawo sa batan-on pinaagi sa pagbobo og sinamak rason nga miping-it kini sa kasakit, ug didto na usab mikatag ang insidente sa social media.

RadyoMaN Kirby Manzon